На повеќе од еден милион терминали во САД од четвртокот може да се плаќа со Android Pay, мобилен систем на Google, со што технолошкиот гигант се вклучи во битката за пазарот кој до 2017 година би можел да вреди 1.000 милијарди долари.
Овој систем на плаќање ќе му конкурира на Apple Pay системот на сѐ поголемиот пазар на мобилно плаќање бидејќи технолошките компании ќе се обидат да ги уверат потрошувачите за плаќање да ги користат мобилните телефони наместо со пластични картички.
Android Pay може да се користи со посредство на паметни телефони кои имаат капацитет за NFC комуникациите и за оперативниот систем на Google, KitKat 4.4+. На корисниците ќе им овозможи да ги хранат телефоните со податоци за кредитни картички, картички за лојалноста и за други податоци.
Постоечките апликации Google Wallet можат да пристапат кон Android Pay преку ажурирање, додека новите корисници во следните денови ќе може да го преземат од Google Play.
Малопродажните синџири како Macy’s, Bloomingdale’s и Subway се меѓу првите кои го воведоа Android Pay.
Системот на Google ги поддржува кредитните и дебитните картички на компаниите MasterCard, Visa и American Express, како и на банките Bank of America, Citigroup и Wells Fargo.
Наместо да ги проследат податоците за корисникот на кредитната картичка до трговецот, системите на Google и Apple создаваат „знак“ така што вистинските податоци не се откриваат за време на трансакцијата, со што се намалува ризикот од злоупотреба.
