Генералниот директор на италијанската банка „UniCredit“, Федерико Гицони, одби да ги коментира информациите дека неговата банка размислува за отпуштање на повеќе од 10.000 лица.
Оваа информација ја објави њујоршката агенција Блумберг, а Гицони наведе дека сеуште нема прецизен број.
„Не сакам да коментирам, бидејќи во ноември или до крајот на годината ќе го претставиме нашиот план. Работиме на тоа, и сега не е момент за изјави бидејќи сеуште немаме конкретни бројки“ изјави Гицони.
„UniCredit“ кој вработува 146.600 лица и работи во 17 земји во светот, претходно најави укинување на 2.700 работни места до 2018 година.
