Фармацевтската компанија „Valeant Pharmaceuticals International Inc.“ ќе го купи производителот на апарати кои се користат во хирургијата, „Synergetics USA Inc“. Ова е осмата аквизиција на канадската компанија од почетокот на 2015-та година, информира „Ројтерс“.
„Valeant“ упати понуда за стекнување на сите акции на „Synergetics“ по 6,50 долари за готово, што е премија од 49% од цената на затворањето на акциите во вторникот. Така вкупната понуда е еквивалентна на 166 милиони долари.
Американската компанија „Synergetics“ произведува хируршки апарати за офталмологијата и неврохирургија.
Купувањето, што се очекува да заврши во четвртиот квартал на 2015-та година, се очекува да помогне во бизнисот на „Bausch + Lomb“ – компанијата која „Valeant“ ја купи за 8,7 милијарди долари во 2013-та година.
Понудата за купување на „Synergetics“ доаѓа помалку од две недели откако „Valeant“ го купи производителот на женска вијагра „Sprout Pharmaceuticals“ за речиси 1 милијарда долари.