На стартот на саемот за потрошувачка електроника во Берлин водечкиот кинески производител Huawei претстави два нови уреди – првиот паметен часовник на компанијата и последниот модел паметен телефон од серијата „Mate S“.
Смартфонот е со дисплеј со технологијата „Force Touch“, која се очекува да е најголемата новина кај новиот „iPhone“ на „Apple“. Оваа технологија им овозможува на корисниците да извршуваат различни операции преку различната сила на притисок на екранот.
Тој се одликува исто така со нов отпечаток, кој не само што го отклучува смартфонот, туку и го прави трансферот на пари побезбеден.
Смартфонот е со голем 6-инчен дисплеј со резолуција од 1080 пиксели и е направен од „вистински метал“, според компанијата. Односот дисплеј кон телото е 83%, што го прави релативно компактен за големината. Дебелината му е 7,9 мм. Уредот го користи процесорот на компанијата, поточно осумјадрениот „Kirin 925“.
Батеријата му е со исклучителен капацитет од 4.100 mAh. Над 100 од најпотребуваните апликации веќе се оптимизирани за чипот на компанијата, за да штедат меѓу 20 и 50% од батеријата. Задната камерата на смартфонот е 13-мегапикселна на „Sony“. Смартфонот ќе се нуди по цена од 499 евра за верзијата со 2GB RAM меморија и 16 GB внатрешна меморија.
Во однос на паметниот часовник на компанијата, тој ќе е со резолуција од 400х400 пиксели и 286 точки по инч. Ќе располага со сензор за срцев ритам, а неговата цена ќе се движи меѓу 399 и 699 евра, во зависност од спецификациите.
