Компанијата „Turing Robotics Industries“ ќе започне со испорака на „Turing Phone“, цврстиот и стабилен смартфон, на 18-ти декември, кога ќе излезе седмото продолжение на „Star Wars“.
Овој смартфон, е потполно нов тип, има „Full HD“ екран од 5,5 инчи, процесор „Snapdragon 801“, 3 гигабјти „RAM“ меморија, камера од 13 мегапиксели на задниот дел, и 8 мегапиксели на предната страна, оперативениот систем е „Android 5.1 Lollipop“, а овој уред користи батерија од 3.000 mAh.
Телефонот нема привлечен дизајн, но има систем за шифрирање кој го прави многу безбеден. Уредот беше претставен во април, а примањето на порачки е започнато од почетокот на август.
Оние кои веќе резервирале го „Turing Phone“ ќе бидат повикани во целост да го исплатат уредот до крајот на септември.
Смартфонот е произведен од „Foxconn“, компанија која го изработува пред се „iPhone“ за „Apple“, и тоа во три бои и три мемориски капацитети, од 16 до 128 GB, по цена од 610 и 870 долари.
