Кинескиот производител на електроника – „Lenovo“ на пазарот во Кина го пушти новиот модел „Phab Plus“.
Тој се одликува со дисплеј со големина од 6.8 инчи, што го прави директен конкурент на моделот „Huawei Ascend P8max“, со иста големина на екранот.
Новиот уред е со дисплеј со резолуција 1080×1920 пиксели и 326 точки на инч. Цената ќе биде околу 2.599 јуани (407 долари). Новиот уред ќе се разликува уште по 64-битниот процесор „Snapdragon 615“ со фреквенција од 1.5 GHz, како и 2 GB RAM меморија.
Внатрешната меморија ќе биде од 32 GB, која ќе може да се прошири со картичка. Оперативниот систем ќе е „Android 5.0 Lollipop“, а неговата задна камера ќе има резолуција од 13 мегапиксели, додека предната ќе биде 5 мегапикселна.
Една од најпрепознатливите карактеристики ќе се предните звучници „Dolby Atmos“.
Уредот ќе има батерија со капацитет од 3.500 mAh, а пак неговите димензии изнесуваат 186.6×96.6×7.6mm.
Тој ќе може да работи со две „SIM“ картички и ќе тежи 220 грама.
Се уште не е познато дали уредот ќе се појави и на меѓународните пазари, како и кога и по која цена може да се очекува.
