Најбогатите луѓе во светот загубиле 182 милијарди долари во последната недела, пресмета „Bloomberg“.
Основна причина за ова се вестите за забрзаното забавување на кинеската индустрија, како и намалувањето на индексите на главните берзи во светот.
Неделниот пад на богатството на 400-те најбогати луѓе во светот е рекорден во историјата на индексот на милијардери. Само во петокот милијардерите го намалиле богатството за 76 милијарди долари, откако S&P 500 заврши со најлошата вредност од 2011-та година.
Општото богаство на најбогатите луѓе во светот веќе е 3.98 илјади милијарди долари или за 74 милијарди долари помалку во однос на почетокот на 2015-та година.
Најголем пад се забележува кај Ворен Бафет, чие богатство се намали за 5% или 3.6 милијарди долари или до 63.4 милијарди долари. Третиот најбогат човек во светот е следен од нафтениот магнат Харолд Хам, кој изгубил 9% или 895 милиони долари. Богатството на 26-те најбогати Кинези пак се намали за 18,8 милијарди долари.