Годишните награди на „EISA“ (European Imaging and Sound Association) ги определија најдобрите смартфони во Европа врз основа на различни критериуми.
Наградата за најдобар паметен телефон за корисниците беше доделена на моделот „Huawei P8“. Тој се одликува со 5.2 инчен дисплеј со резолуција од 1.080 x 1.920 пиксели, а е достапен во четири бои – црна, златна, сива и шампањ. Смартфонот се напојува од процесорот на кинеската компанија „HiSilicon Kirin 930/935“ и располага со завидна 3 GB RAM меморија. Оперативниот систем му е „Emotion UI 3.1“ кој е базиран на„ Android 5.0 Lollipop“. Уредот е достапен во две верзии – со 16 и 64 GB внатрешна меморија, како и 13-мегапикселна задна камера. Предната камера е со резолуција од 8 мегапиксели, а батеријата е со капацитет од 2.680 mAh.
Наградата за најдобар паметен телефон од највисока класа е доделена на моделот „Samsung Galaxy S6 Edge“, додека најдобар медиумски смартфон е моделот на „Sony – Xperia Z3 +“.
Наградата за паметен телефон со најдобра камера е доделена на „LG G4“.
За најдобро пренослив уред е доделен на паметниот часовникот на „LG – Watch Urbane“.
Титулата најдобар таблет во Европа е доделена на „Lenovo Yoga Tablet 2 Pro“.