Европскиот производител на авиони „Airbus“ објави дека индискиот превозник „IndiGo“ ја потврдил нарачката за рекордни 250 авиони од новата генерација „A320neo“.
За европскиот производител на авиони тоа е најголем договор во историјата според бројот на нарачани авиони, а вреден е 24 милијарди евра по каталошките цени.
Со ова е потврден меморандумот кој двете компании го потпишаа во октомври минатата година.
Флотата на дисконтниот индиски превозник по вклучувањето на новите авиони ќе брои вкупно 530 модели од среден долет „A320“ и „A320neo“.
Како и во многу други азиски држави, и индискиот пазар на воздушен патнички промет драстично расте, а овој тренд веројатно ќе продолжи со оглед на засилената потрошувачка на брзорастечката средна класа и на процутот на туризмот во регионот.
Во цела Азија расте побарувачката за помали патнички авиони со оглед дека дисконтните превозници ја шират мрежата со дестинации и врз помалите градови, напоменува AFP.
