Компанијата „Intel“ може да заработи над 1 милијарда долари со зголемувањето на приходите од „Apple“, соопштува интернет изданието „BusinessInsider“. Во Купертино имаат интерес кон „Intel“ да произведе модем за „iPhone“, тврдат аналитичарите од „Northland Capital Markets“.
Според нив „Apple“ може да даде околу 50% од производството на модем за новите „iPhone“ уреди, кои ќе бидат претставени во септември годинава. За „Intel“ тоа може да се одрази како приходи во вредност до 1,25 милијарди долари, што ќе биде од голема корист за компанијата, која се уште не може да најде стабилно присуство на мобилниот пазар.
Со години „Apple“ користеше модем на „Qualcomm“. Во последната година, сепак односите меѓу двете компании се искомплицираа. Истовремено целиот бизнис на „Qualcomm“ страда, откако компанијата ги објави плановите за намалување на 15% од работната рака, а нејзините приходи за последниот квартал се пониски за 14%.
„Intel“ пак со години трпи огромни загуби во мобилниот сегмент. Од компанијата сепак неколкупати изјавија дека се помириле со загубите и тоа е цената која треба да се плати за да си извојуваат подобри позиции во долг рок.
Досега ниту од „Apple“, ниту од „Intel“ или „Qualcomm“ се коментираат на оваа тема.
