Конкуренцијата кај говорните асистенти за мобилни телефони станува уште посериозна. „Cortana“ на „Microsoft“ веќе може да го заменува „Google Now“ на „Android“ и да се користи како вграден асистент, соопштува интернет изданието „ZDNet“.
Новата верзија на „Cortana“ за „Android“ може да се активира при влечење на прст од „Home“ копчето нагоре, како и „Google Now“. Уредот ќе праша кој асистент корисникот сака да биде вклучен и ќе има опција да го избере „Cortana“ само за еднаш или засекогаш.
Ова значително треба да го олесни користењето на апликацијата и да го израмни неговиот статус со „Google Now“. Досега „Cortana“ за „Android“ требаше да се активира одново од иконата на апликацијата при секое нејзино користење.
Но, сепак не сите можности на „Cortana“ ќе бидат достапни за „Android“. Не работи активирање со гласовна команда, слична на „OK Google“ за „Google Now“. Причината за ова е дека на „Cortana“ ќе и треба пристап до пониско ниво во „Android“, што не е невозможно, но е посложено, особено со големиот број производители кои ја користат платформата и секој е со различни сфаќања и веќе склучени партнерства.
Но сепак „Cortana“ е се уште во почетокот на својот пат и постепено се претвора во подобар ривал на „Google Now“ и „Siri“. Платформата ја следи и стратегијата на „Microsoft“ да ги нуди своите услуги на најголем можен збир на уреди без разлика дали тие се на софтверскиот гигант или на негови конкуренти.
