Компанијата „Jaguar Land Rover“ објави дека наследникот на легендарниот „Defender“ ќе го произведува во својата нова фабрика во Словачка.
Највите дека овој производител на луксузни возила ќе отвори погон во некоја од источноевропските земји се потврдија.
Иако медиумите ја споменуваа и Полска и Унгарија, сепак изборот падна на Словачка, која е позната по многу развиената авто-индустрија.
Во оваа земја моментално се наоѓаат фабрики на три големи светски производители на автомобили, групациите „Volkswagen“, „Kia-Hyundai“ и „Peugeot-Citroen“, a годишно се произведуваат околу милион возила.
„Jaguar Land Rover“ својот погон ќе го отвори во 2018-та година во местото Нитра во западниот дел на земјата. Капацитетот на оваа фабрика ќе биде 300.000 автомобили.
