Доколку некогаш сте посакувале „qwerty“ тастатура на смартфон на „Samsung“, вашата желба веројатно ќе биде остварена. Се шпекулира дека компанијата „Samsung“ на својот „Galaxy S6 Edge Plus“ ќе го продава со дополнителна физичка тастатура.
Познатиот типстер „Evleaks“ објави фотографија на „Samsung“ смартфон со дополнителна физичка „qwerty“ тастатура.
Компанијата „Typo“ претходно произведе дополнителна тастатура за „iPhone“, но нејзиното пласирање на пазарот го спречи производителот „BlackBerry“.
„Galaxy S6 Edge Plus“ е поголема верзија од „S6 Edge“, a требало да биде претставен заедно со „Galaxy Note 5“ на манифестацијата која ја има „Samsung“ закажано за 13-ти август – „Unpacked“.
Компанијата „Samsung“ објави дека ќе ја забрза својата работа на смартфонот „Galaxy S7“ по неуспешниот квартал.
Додатокот очигледно ќе биде наменет за голем број на корисници на смартфони на кои физичките тастатури „qwerty“ и натаму им се многу драги. Тоа особено се однесува на корисниците на „BlackBerry“, но и на мобилните телефони на другите производители кои во минатото користеле слични тастатури.
