Единствениот преостанат македонски фудбалски клуб во европските натпреварувања Работнички ја доби за противник руската екипа Рубин Казан во плеј офот за место од Лигата на Европа.
Станува збор за исклучително силен противник, кој има настапувано во групната фаза од Лигата на шампиони. Рубин во 2008-ма и 2009-та година беше шампион во силната лига на Русија.
Стадионот во Казан има капацитет од 45.105 седишта.
Првиот натпревар ќе се игра во Скопје на 20-ти август, а реваншот е закажан за седум дена подоцна во Казан.
Работнички со самиот пласман во четвртата фаза од квалификациите за Лигата на Европа направи голем успех.
Романтичарите во третото коло беа поуспешни од турскиот Трабзонспор.