Првиот сериски спортски модел на „Kia“ ќе се појави на крајот на деценијата, соопшти извршниот директор на британската поделба на компанија, Пол Филпот, цитиран од „Autocar“.
За автомобилот ќе биде развиена целосно нова платформа, а тој ќе се нуди на сите пазари. За создавање на моделот Корејците ќе го користат искуството стекнато при изработка на прототипите „GT“ и „GT4 Stinger“. Други детали топ-менаџерот не сакаше да открие.
Купето со две врати и заден пренос, „Kia GT4 Stinger“ ја користи формулата 2 + 2 места. Истото беше претставено на саемот во Детроит, а е управувано од 2,0-литарски 4-цилиндричен турбомотор со 315 КС. Моторот работи во комбинација со 6-брзински мануелен менувач. Сериската верзија на концептот треба да се позиционира како конкурент на „Toyota GT86“.
Прототипот „GT“ исто така е купе, но со 4 врати. Тоа ја користи платформата на „Hyundai Genesis“ и беше претставен уште во 2011-та година на саемот во Франкфурт. Концептниот модел доби 3,3-литарски мотор со 6 цилиндри кој развива 395 КС и 534 Нм, а менувачот е 8-степен автоматски.
Филпот додаде дека во наредните 2 години „Kia“ ќе пушти на пазарот и компактен кросовер, кој се очекува да конкурира на „Nissan Juke“. Новиот модел ќе биде во стилот на концептот „Provo“ прикажан во Женева во 2013-та година.