Најголемата руска банка „Sberbank“ планира да го напушти словачкиот пазар и затоа ја продава својата локална „ќерка“„Sberbank Slovakia“.
Во Словачка се водат активни преговори за тоа кој ќе ја купи локалната филијала на руската „Sberbank Slovakia“, се наведува во соопштението. Во игра се чешко-словачката инвестициска групација „Penta“, чешката финансиска групација „J&T“ и чешката банка „CSOB“, која работи во составот на белгиската „KBC“ група, објави чешките медиуми.
„Sberbank Slovakia“ работи две ипол години и има четири проценти удел во банкарскиот пазар на Словачка. За зголемување на уделот се потребни нови инвестиции кои руската „Sberbank“ во услови на западните санкции не може да си ги дозволи.
Работењето на „Sberbank Slovakia“ е базирано пред се на услуги за населението, a сега банката има повеќе од 100.000 клиенти во сите делови од земјата. Во последно време „Sberbank Slovakia“ започна поактивно да работи и со малите и средни претпријатија. Вкупната актива на банката во јуни достигна две милијарди евра.
