Германскиот индустриски конгломерат „Siemens AG“ објави благ пад во профитот за третиот квартал на финансиската 2015-та година, ставен под притисок од слабиот раст во енергетската и гасна поделба, како последица на ниските цени на нафтата.
Нето кварталната добивка на Siemens отстапи минимално
Нето добивката на компанијата за тримесечниот период, заклучно со 30-ти јуни достигна 1,36 милијарди евра во споредба со 1,37 милијарди евра за истиот период минатата година. Резултатот ги надмина предвидувањата на аналитичарите од „The Wall Street Journal“, кои очекуваа нето добивка во износ од 1,03 милијарди евра.
Приходите на компанијата пораснаа за 8%, за да достигнат 18,84 милијарди евра, како резултат на силниот раст во единиците за здравство и градежништво на „Siemens“. Бројот на нови нарачки на компанијата се зголеми за 4%, помогнат од долгорочните набавки на возови во вредност од 1,6 милијарди евра.
„Siemens“ најави маргина на индустрискиот профит од 9,5% за кварталот, што е пад од постигнатите 10,1% за истиот период од минатата година. Причината за повлекувањето е падот на добивката во енергетскиот и гасниот бизнис, кој сепак делумно беше проследен од зголемувањето на профитабилноста во единицата за здравствени услуга. Аналитичарите очекуваа маргина од 9,2%.
Компанијата ги потврди очекувањата за финансиската 2015-та година, велејќи дека се уште се надева да постигне маргина на индустриската добивка помеѓу 10% и 11%. „Siemens“ исто така очекува основната нето добивка по акција за годината да е со раст од најмалку 15% во однос на 6,37 евра во 2014-та година, додека приходите треба да останат до поголемиот степен без измена.