Шпанската филијала на британската телекомуникациска компанија „Vodafone“ соопшти денес дека ќе укине 1.300 работни места бидејќи по купувањето на најголемиот шпански кабловски оператор „Ono“ настојува да го намали бројот на работната сила.
Во соопштението се наведува дека преговорите со претставниците на работниците ќе бидат одржани на 1 септември.
„Vodafone“ во март минатата година се согласи на купување на „Ono“ за 7,2 милијарди евра.
Оваа компанија има околу 6.000 вработeни, пренесуваат агенциите.
