„Samsung“ неодамна претстави нови монитори кои имаат една интересна функција, а тоа е бежично полнење на смартфони (како и други уреди кои се компатибилни со „Qi“ технологијата).
Станува збор за мониторите со ознаките „S24E370DL“ и „S27E370DS“. Првиот е 24-инчен модел, а вториот е со екран од 27-инчи.
Ги карактеризира „FullHD“ дисплеј, како и „AMD“ анти-фикер гејмниг технологија и агли на гледање од 178 степени. Од „Samsung“ не сакаа да го откријат датумот за стартот на продажбата на новите монитори, како и нивната цена, но сосема е сигурно дека ќе се појават во продажба до крајот на годината.
Се очекува официјалното претставување да се случи на „IFA 2015“ манифестацијата која се одржува во септември.
