Еден од водечките светски производители на транспортни средства и опрема за електраните, Alstom во првиот квартал од деловната 2015-2016 година ги зголеми приходите.
Приходите се зголемени за осум проценти на годишно ниво благодарение на добриот резултат од продажбата на регионални возови во Франција, Италија, Германија и Јужна Африка.
Во периодот април-јуни, оваа година „Alstom“ забележал приходи од 1,602 милијарди евра и нови нарачки во вредност од 1,955 милијарди евра, пренесува Ројтерс.
За цела текoвна деловна година оваа француска компанија предвидела раст на приходите поголем од 5,0 проценти, кога ќе се исклучи валутниот ефект.