„Microsoft“ подготвува два нови смартфони од висока класа, кои ќе ги претстави во септември. Моделите ќе натпреваруваат со предлози како „Galaxy Note 5“ на „Samsung“ и „Galaxy S6“, соопштува интернет изданието „Windows Central“.
Засега уредите се познати со кодните имиња „Cityman“ и „Talkman“. Се очекува нивните трговски имиња да се или „Lumia 940“ и „Lumia 940 XL“, или „Lumia 950“ и „Lumia 950 XL“. Конечната одлука се уште не е донесена.
Се разбира, смартфоните ќе ја користат мобилната верзија на „Windows 10“ за својот оперативен систем. Покрај тоа ќе се потпираат и на значително помоќен хардвер спрема досегашните модели.
Се очекува „Talkman“ да користи 5.2 инчен „OLED“ дисплеј со резолуција 1440х2560, процесор „Snapdragon 808“ со 6 јадра, 3GB RAM меморија, 32GB внатрешна меморија и слот за microSD картички. На располагање ќе е уште инфрацрвен скенер за „Windows Hello“, 20 МР камера со „PureView“ технологијата на задниот капак и 5МР камера со широкоаголен објектив на предниот панел. Уредот ќе има безжично полнење „Qi“ преку дополнителна торбичка, како и новиот „USB Type-C“.
Спецификациите на „Cityman“ се слични. Главните разлики се во поголем дисплеј – 5.7 инчи, но со иста резолуција, 8-core процесор „Snapdragon 810“, алуминиумски копчиња, троен „LED“ блиц за камерата на задната страна и малку помоќна батерија – 3300 mAh, наспроти 3000 mAh за помалиот модел.
Според извори на весникот, „Cityman“ ќе има отстранлива батерија, одделенo копче за преземање на слики и ќе е многу тенок – околу 7-8мм. За сега од „Microsoft“ не ја коментираат оваа информација.
