Германските производители на автомобили „Audi AG“, „BMW AG“ и „Daimler AG“ постигнаа принципиелен договор за стекнување на услугата со дигитална мапа – „Nokia Here“ за малку повеќе од 2,5 милијарди евра.
За последно, „Nokia“ водеше преговори само со германските производители на автомобили за продажба на компанијата, чиј развој се очекува да е основата на самоуправувачките возила, како и во идните автомобилски системи за безбедност.
„Audi“, „BMW“ и „Daimler“ имаа намера да ги купат сите акции на „Nokia Here“ и потоа да ги поканат и други меѓународни производители на автомобили да заземаат удели во компанијата, наведува изворот.
„Целта е секогаш да се стартува услуга како отворена платформа за сите. Конечното потпишување на договорот може да се случи во следните неколку дена“, вели неименуван извор.
Од „Nokia“ одбија да дадат коментар на оваа тема.
Германските производители на автомобили успеаја да се изборат со конкуренцијата од страна на технолошката компанија „Uber“, кој отпадна од наддавањето пред неколку недели, како и со неколку приватни капитални инвеститори.
Во овој сектор во моментов доминираат „Nokia Here“, холандската група „TomTom“ и картографските услуги на „Google“. „Nokia Here“ држи пазарен удел од околу 80%.
