Успехот на „Model S“ го отфрли во втор план претходниот електричен автомобил „Tesla Motors“ – „Roadster“. Сепак, овој модел се враќа во игра по најавата дека новата генерација ќе биде претставена до 2019-та година.
Oргиналниот „Roadster“, заснован на „Lotus Elise“ е лансиран во 2006-та, како прв продукциски модел на „Tesla Motors“.
Иако производителот продолжи да го подобрува, „Roadster“ не беше премногу популарен, а од 2012-та, кога на пазарот се појави „Model S“, речиси беше и заборавен.
Меѓутоа, првиот човек на „Tesla Motors“, Илон Маск, не се откажува од својот прв електричен модел.
Тој најави дека во рок од четири години ќе претсави наследник кој ќе биде „целосно нов автомобил“.
Дотогаш гамата на електрични автомобили со знакот на „Tesla“ би требало да се состои од три модели. На постоечкиот „Model S“ ќе му се придружат кросоверот „Tesla X“ и помалата лимузина „Tesla 3“.
Како четврт модел во семејството, „Roadster“ би требало да го засили имиџот на компанијата на полето на спортски електрични автомобили.
