„Samsung“ претстави два нови таблети со кои се обидува да го прошири својот асортиман и да го промени малку нејзиниот фокус. Моделите се „Galaxy Tab S2 8.0“ и „Galaxy Tab S2 9.7“.
Нивните имиња укажуваат дека тие користат соодветно 8-инчен и 9.7-инчен дисплеј. Всушност тоа е и главната разлика помеѓу двата уреди. Другата е дека природно, постариот модел има и малку поголема батерија – 5870 mAh, напроти 4000 mAh.
Резолуцијата на екранот е иста – 2048х1536 пиксели. Оперативната меморија на таблетите е 3GB, а процесорот е „Exynos 5433“ на „Samsung“ со осум јадра и графичкиот процесор „Mali T760MP6“.
Двата таблети се помали од своите претходници, што според „Samsung“ ќе ги направи поудобни за работа. Форматот на дисплеите е 4:3, исто така со таа цел. Тие користат и хардвер сличен на „Galaxy Note 4“ со дополнителни оптимизации, целта е да се постигне максимална ефикасност.
Уредите располагаат со 8 МР камера на задниот капак и 2.1 МР на предниот. Интересно е дека не поддржуваат снимање со 4K резолуција.
Рамката на куќиштето е метална, но самиот панел на грбот е пластичен, се со цел да се намали тежината на уредот. Според компанијата овие лесни промени ќе бидат доволни за да може уредите да се погодни за работа и забава. Засега „Samsung“ не ги наведува нивните цени, но може да се очекува тие да се слични со оние на претходните модели – односно меѓу 400 и 500 долари.
Уредите ќе функционираат со оперативниот систем „Android 5.0 Lollipop“. Tаблетите содржат и голем број на сензори (акцелерометар, скенер за дигитални отисоци…), систем за глобално позиционирање „GPS“ и поврзување со мрежите 2G / 3G / LTE. Според информациите, овие уреди ќе бидат понудени во две бои, бела и црна.