Целата индустрија на таблет уреди оваа година е во проблеми и скоро да нема компанијата што тоа не го чувствува. Фаблетите (големите телефони) се оние кои ја „убиваат“ продажбата на таблети.
По „Apple“, и „Asus“ објави дека очекува оваа година да испорача помалку таблети отколку што очекувале, а тоа е шест до седум милиони единици.
Тоа е значаен пад од 30 посто во однос на минатата година кога „Asus“ испорача 9.4 милиони таблет уреди.
Овој производител за првата половина од годината испорача 2.5 милиони уреди, што е пад од 39 проценти во однос на истиот период од минатата година. Компанијата не успеа да ја достигне планираната цел за испорака на таблети во првиот и вториот квартал од оваа година, па ваквиот пад е очекуван.
