Според гласините кои се појавија во интернет просторот, „Sony“ развива нов паметен телефон насочен кон љубителите на „селфи“ фотографии.
Паметниот телефон е со кодно име „Lavender“. Тој се очекува да е 5.5-инчен уред со најновиот оперативен систем „Android“. Најпрепознатлива карактеристика ќе биде 13-мегапикселна предна камера наменета за популарните „селфи“ фотографии. Смартфонот се очекува да има уште и 13-мегапикселна камера на задната страна.
Многу е веројатно уредот да биде претставен во следниот месец и да се нарекува „Xperia T4 Ultra“. Според друг извор, смартфонот ќе е со името „Xperia C4“.
Смартфонот најверојатно ќе има многу мали странични граници и „FHD“ дисплеј со резолуција од 1.080 пиксели. Процесорот може да е од „MediaTek“, а оперативната меморија да е во износ од 2 GB.
Не е познато дали новиот смартфон ќе се појави првично во избрани земји или своето деби ќе го има на глобално ниво. Засега не е позната ниту неговата цена или во која ценовна класа ќе биде сместен.
