Најголемата социјална мрежа во светот развива асистент за својата популарна текстуална апликација „Facebook Messenger“, кој е со кодно име „Moneypenny“.
Името го позајмува од асистентката на Џејмс Бонд од најпопуларните филмови за британскиот таен агент, според податоци на информативниот сајт „The Information“. И додека на пазарот се присутни слични асистенти како „Аpple“ – „Siri“, „Google Now“ и „Cortana“ на „Microsoft“, фокусот на „Moneypenny“ ќе е да им помага на луѓето да купуваат одредени стоки и услуги.
Во моментов овој асистент се тестира, а можно е да претрпи и сериозни промени до датумот на претставување, кој се уште не е одреден.
„Се уште не е јасно какви функционалности ќе има новата услуга, но и како точно „Facebook“ ќе ја претстави“, пишува весникот „The Information“.
Според експертите услугата „Moneypenny“ ќе има многу повеќе заедничко со услугите како „Magic“ или „Operator“. Кај нив корисниците со специфични пребарување на стока или услуга испраќаат текстуална порака до операторот, кој им помага да ја купат. Овие апликации им наплаќаат на потрошувачите со надомест, додавање на вредноста на стоката при нејзиното примање.
Засега не е познато како точно од „Facebook Messenger“ ќе им наплаќаат на 700-те милиони корисници за новата услуга. Напорите на Извршниот директор на „Facebook Messenger“, Дејвид Маркус се насочени кон тоа да се направи текст апликација со силен инструмент за остварување на купувања што во иднина ќе им обезбеди сериозни приходи.
