Производителот на суперавтомобили – „Sin Cars“ ја претстави сериската верзија на својот модел „R1“.
Прототипот на машината беше прикажан уште во 2013-та година, но сега има добиено голем број на подобрувања и дополнителни работи.
Возилото е опремено со 6,2-литарски „V8“ мотор на „General Motors“, кој се користи во претходната генерација на „Chevrolet Corvettе“. Моќноста на моторот е 525 КС, а тој работи во комбинација со 6-брзински мануелен менувач „Graziano“. Масата на машината е 1200 кг, што овозможува забрзување од 0 до 100 км/ч за 2,5 секунди.
Сериската верзија на „R1“ располага со „ABS“, системот за заштита од нерамнини, позадинско антикрило прилагодливо по електронски пат и нов издувен систем. Промените во внатрешноста се значителни – целосно нови се инструмент панелот и централната конзола, поставен е различен волан, како и модернизиран инфо-систем за забава со екран на допир. Суперавтомобилот доби уште и спортски седишта „Recaro“, како и систем за климатизација.
Официјалниот деби на возилото пред публика ќе се одржи на автосалонот во Франкфурт во септември, но производството на автомобилот ќе стартува уште во крајот на август.
Дотогаш „R1“ ќе ги обиколува градовите на Европа во потрага по потенцијални клиенти. Во моментов автомобилот се наоѓа на француската ривиера.
