Оваа година би можела да биде интересна по тоа што за прв пат ќе видиме телефон од линијата на „Google“ – „Android Nexus“ изработен од кинески производител.
Постојат информации дека „Huawei“ веќе изработува уреди кои се очекува да се најдат во продавниците во текот на есента. Ова не е прв пат да слушнеме ваква можност, затоа што минатиот месец беше цитиран еден од раководните лица на компанијата од Велика Британија кој порача дека „Huawei Nexus“ телефонот ќе пристигне наскоро.
Познато е дека на пазарот ќе се појават два „Nexus“ телефони, а според гласините моделот на „Huawei“ ќе биде 5,7-инчен, додека моделот на „LG“ ќе биде со 5,2-инчен екран.
Односот меѓу „Google“ и „Huawei“ би можел повеќекратно да биде корисен за двете компании, затоа што постојат тврдења дека „Huawei“ ќе му помогне на „Google“ да ја донесе продавницата за мобилни апликации во Кина.
Од друга страна, „Google“ ќе му помогне на „Huawei“ околу паметниот часовник „Huawei Watch“ да се пласира на западните пазари.