„AnTuTu“ го претстави својот редовен извештај за состојбата на пазарот со фалсификуваните паметни телефони, која овој пат се однесува за првата половина од 2015-та година.
Во „AnTuTu“ проценуваат дека фалсификуваните уреди сочинуваат околу 2,04% од целиот пазар на паметни телефони кои го користат оперативниот систем „Android“.
Инспирација за производството на такви уреди производителите најчесто пронаоѓаат во смартфоните на компаниите „Samsung“ ( на лажните копии на уредите на „Samsung“ отпаѓа 37,30% од фалсификуваните паметни телефони), потоа следат уредите на компаниите „Xiaomi“ (30,96% од пазарот) и „Huawei“ (3,79% од пазарот), додека на крајот се уредите на компанијата „HTC“ (2,88% од пазарот).
Десетте најчесто копирани паметни телефони кои ги споменува „AnTuTu“ заземаат половина од целиот пазар на фалсификувани мобилни уреди.
Најчесто копиран модел на паметен телефон е „Xiaomi Mi Note“ (на пазарот зазема дел од 31,82%), a меѓу првите десет се уште и „Xiaomi Redmi Note“ (со удел од 12%), „Xiaomi Mi3“ (9,39%), „Samsung Galaxy Note 3“ (8,82%), „Samsung Galaxy Note 4“ (7,01%), „Samsung Galaxy S6“ (5,13%), како и не толку познати модели.
Како заклучок „AnTuTu“ истакнува дека пазарот на лажни „Android“ уреди покажува тенденција на пад, што е знак дека различните кампањи на производителите за сузбивање на лажните уреди, вродија со плод.
