Во последните децении на пазарот на спортски седани доминираше „Серија 3“, моделот на „BMW“.
Но од луксузната поделба на германскиот концерн „Volkwagen“ – „Audi“, се ангажирале да го променат тоа со новиот модел „A4“. Ова ќе е четвртата модификација на возилото, која ќе ја замени веќе седумгодишната последна варијанта на компактниот седан.
Моделот „Audi A4“ се очекува да се појави во салоните во Европа во ноември. Многу напори се вложени во веќе презентираната модификација, а таа ќе се одликува со сериозни подобрувања во однос на својот претходник.
Новото „A4“ ќе е за 21% поефикасно од стариот модел. Употребата на нови материјали ќе го направи моделот за 120 килограми полесен. Тој ќе биде со најдобра аеродинамична форма во својата класа, а коефициентот на отпор ќе е едвај 0.23.
Највпечатливото кај „A4“ сепак е поврзано со новиот ентериер. Тој е позајмен од луксузниот модел „A8“, па возилото ќе располага со информациски систем со 8.3-инчен дисплеј. Друга иновација е трансформирањето на рачната табла во „виртуелна табла за управување“. Таа е со можност за целосна персонализација и со 12,3 инчен дисплеј.
Дел од новините кај моделот вклучуваат можности за безжично полнење на телефоните, како и паметен и адаптивен автопилот.
Во однос на техничките параметри возилото ќе се одликува со 2-литарски турбо мотор со 4 цилиндри и моќност од 190 коњски сили. Моделот ќе се појави и во модификацијата „Avant“.
