Пристигна музичкиот сервис „Apple Music“, а сега благодарејќи на „iCloud Music Library“ можете да ослободите голем простор на вашиот телефон и да чувате музика во „cloud“ и да ја емитувате било каде и било кога.
За жал, се покажа дека овој сервис има и свои лоши страни. Како што во својот извештај наведува „International Business Times“, многу „iOS“ корисници се жалат дека батеријата многу бргу им се троши кога го користат овој сервис.
Забележано е дека при емитување на музика, „Apple Music“ чини дури 22 проценти искористеност на батеријата за само половина час од употребата на овој сервис.
Ова ни говори дека емитувањето на музика преку сервисот „Apple Music“ би можело да доведе до многу брзо празнење на батеријата, па прашање е дали и колку корисцните ќе го користат овој сервис.
