Осигурителната компанија „ACE Ltd“ постигна договор за купување на конкурентот „Chubb Corp“ за 28,3 милијарди долари во кеш и акции, обезбедувајќи ја една од најголемите трансакции за оваа година.
Акционерите во „Chubb“ ќе добијат по 62,93 долари во кеш и 0,6019 акции на „ACE“ во вкупна вредност од околу 124,13 долари за акција. Цената е со околу 30% над онаа при затворањето на берзанскиот ден во вторникот.
Компаниите очекуваат трансакцијата да заврши официјално во првиот квартал на следната година.
Акционерите во „АСЕ“ ќе поседуваат 70% од новата компанија која ќе оперира под името на „Chubb“ на глобално ниво. Еван Гринберг, извршниот директор на „ACE“, ќе е раководител на комбинираната компанија. Неговиот колега од „Chubb“, Џон Финеган пак ќе е извршен потпретседател за Северна Америка и ќе придонесе за интеграцијата.
Четворица независни директори од Бордот на „Chubb“ ќе бидат додадени на Бордот на обединетата компанија, соопштија двете компании.
„Chubb“ беше еден од најголемите потрошувачки и бизнис осигуреници во САД во минатата година. Компанијата со седиште во Њу Џерси забележа профит од 2,5 милијарди долари и продажба од 12,6 милијарди долари.
Акциите на „ACE Ltd“ се тргува при 101,68 долари предпазарната сесија во средата, а оние на „Chubb“ при цена од 95,14 долари.
