Кинескиот производител на смартфони „Meizu“ претстави во Европа паметен телефон со оперативен систем „Ubuntu“ – „Edition MX4“.
Нетрадиционално е дека уредот е со високи технички карактеристики за разлика од смартфоните кои досега имаа „Ubuntu“, обично тие беа од ниската ценовна класа. Оперативниот систем „Ubuntu“ е замислена како алтернатива на популарниот „Android“, но досега тој не успева многу добро да го најде патот до масовните корисници.
Уредот ќе се нуди по цена од 299 евра и ќе биде достапен во сребрена и златна боја. Во однос на техничките карактеристики, тој се одликува со 5.36-инчен дисплеј со резолуција од 1.152 x 1.920 пиксели и „Gorilla Glass 3“ стакло, 16 GB внатрешна меморија и 20,7-мегапикселна задна камера.
Смартфонот ќе може да се купи по добивање на покана. Од компанијата прецизираа дека тоа се прави за да се здобијат со популарност и да може производителот да натрупа залиха во резервите. Засега не е познато колку покани имаат испратено од овој производител.
