Три од најпопуларните апликации од софтверскиот пакет „Microsoft Office“ сега се достапни за „Android“ уредите, соопшти „Microsoft“. Досега тие беа во фаза на тестирање, но сега веќе се целосно подготвени.
„Word“, „Excel“ и „PowerPoint“ за „Android“ се достапни во „Google Play“, „Samsung Galaxy Store“, како и преку неколку кинески онлајн продавници за апликации. Постепено тие ќе се нудат и претходно инсталирани во паметните телефони на „Samsung“, „LG“ и други. Апликациите и главниот дел од функциите им се бесплатни, но има можност да купување на дополнителни функции или создавање на претплата за „Office 365“.
„Word“ за „Android“ го поддржува режимот за додавање на коментари кон текстот, негово уредување и друго. „Excel“ дава можност за работа со формули, табели, графикони. Има поддршка и на „Sparklines“. „Powerpoint“ овозможува сврзување со проектор или компјутер и емитување целосно опремена презентација. Може да се создаваат или променат подготвени презентации.
И трите апликации бараат верзија на „Android“ барем 4.4. за да работат. Освен тоа треба уред со минимум 1GB RAM меморија.
Компанијата вели дека тест апликациите биле употребени во над 1900 различни „Android“ уреди во 83 држави. Таа им се заблагодари на корисниците кои ги имаат инсталирано прелиминарните верзии на „Office“ за „Android“ и помогнаа за тестовите. Така на пример е олеснета врската помеѓу „Office“ и „Google Drive“, а се направени и лесни промени во интерфејсот.
