До 2050-та година меѓу десетте најголеми економии во светот повеќе нема да бидат Италија и Русија, туку нови сили, како Мексико и Индонезија, наведува „Quartz“, повикувајќи се на податоци од последниот извештај на „Economist Intelligence Unit“.
По 35 години ќе има сериозно разместување во лидерските позиции во рангирањето, па од челната тројка ќе отпадне Јапонија за сметка на Кина, која ќе поведе пред САД и Индија.
Причината за намалувањето на која и да е земја од листата нема да биде економска стагнација. Франција, на пример, која паѓа со најмногу места во рангирањето без да отпаѓа од шестото место минатата година до 10-тото место во 2050-та година, всушност ќе биде тројно зголемен бруто домашниот производ (БДП) во наредните 35 години.
Вкупната вредност на десетте најголеми економии во 2014-та година изнесува 50,4 трилиони долари. Во 2050-та година, сепак, оваа сума ќе достигне неверојатни 318,3 трилиони долари.
Од извештајот сепак не станува јасно дали остатокот од светот ќе расте со исто темпо. За сметка на тоа е очигледно дека вредноста на трите најголеми економии ќе биде поголема од вкупната вредност на следните пет економии.
Како што се очекува извештајот ги поддржува прогнозите за стабилен економски раст во Азија. Според податоците во 2050-та година 53% од БДП во светот ќе биде генериран во овој регион во споредба со 32% во 2014-та година.
Овој раст ќе биде за сметка на сегашната доминација на Европа и Америка во економска смисла. Се очекува БДП на Кина во номинална вредност да ја претекне оваа на САД уште во 2026-та година.
