Цените на акциите во понеделникот пораснаа на Волстрит, додека индексот Nasdaq достигна ново највисоко ниво во историјата, бидејќи инвеститорите се надеваат во договор меѓу Атина и нејзините кредитори, со кои Грција би избегнала банкрот.
Dow Jones зајакна 104 поени, или 0,58 отсто, на 18.120 поени, додека S&P 500 порасна 0,62 отсто, на 2.122 поени, а Nasdaq се зголеми 0,72 отсто, на рекоррдно 5.153 поени.
Растот на цените на акциите најмногу се должи на надежите дека Грција и нејзините кредитори и во наредните денови ќе постигнат договор за тоа кои реформи Атина би требало да спроведе за да добие нова транша кредити со кои би избегла банкрот.
Грција во понеделникот и достави на Европската комисија нов предлог на реформи кои, како што е оценето во Комисијата, претставуваат добра основа за постигнување на договор кон средината на оваа недела.
Кризниот самит на еврозоната заврши во понеделникот со порака до среда навечер, за кога е закажан нов состанок на еврогрупата, дека е можно да се довршат деталите од договорот со Грција, но и дека остана уште полно работа која треба да биде завршена во краток рок.
„Договор помеѓу Грција и кредиторите би ја отстранил големата неизвесност од берзите“, вели Брус МекКеин, стратег во „Key Private Bank“.
Позитивно на берзата влијаеше и најавата за спојување и превземање. S&P индексот на енергетскито сектор скокна за 1 отсто, откако Energy Transfer Equity понуди 48 милијарди долари за преземање на компанијата Williams Companies. Цената на акцијата на Williams скокна 26 отсто, а управата на компанијата порача дека цената е прениска.
Акцијата на Cigna Corp поскапе 5 отсто откако здравствената осигурителна компанија одби 47 милијарди доалри вредна понуда за спојување од страна на Anthem, чија акција порасна 3,5 отсто.
Значително за 0,9 отсто, порасна и индексот на градежниот сектор, откако беше објавено дека продажбата на нови куќи во САД во мај порасна повеќе од очекуваното.
Сепак се тргуваше воздржано на што укажува потпросечниот дневен обем.