Американската осигурителна компанија „Cigna“ отфрли понуда вредна милијарди за превземање од нејзиниот постар конкурент „Anthem“, пренесува „CNNMoney“.
Cigna повторно одби понуда на Anthem
„Предлогот не е адекватен и не е во најдобар интерес на акционерите“, изјавија од давателот на здравствени услуги. Во писмо до раководството на вториот по големина осигурител во САД – „Anthem“, од „Cigna“ велат уште дека се „длабоко разочарани“ од активностите на компанијата.
Претходно „Anthem“ го зголеми предлогот, нудејќи за својот помал конкурент вкупно 54 милијарди долари, вклучувајќи и покривање на долговите. „Anthem“ нуди 184 долари за една акција на „Cigna“, изјавија од самата компанија. Спрема цената на затворање на берзата во петокот од 155 долари за акција е премија од околу 18 отсто. 31,4 отсто од цената на договорот требаше да се платат во акции, а 68,6 отсто во готово.
Ова беше четврта посебна понуда на „Anthem“ за конкурентот, но засега „Cigna“ го одбива секој предлог. Во последниот предлог кандидатот-купувач посочи дека неговата желба за договор веќе нагло опаѓа, нарекувајќи ги барањата на „Cigna“ како „неприфатливи“. „Cigna“, од своја страна, е во борба со друга компанија – „Aetna“, за купување на „Humana“, друг нивен конкурент.