„Nokia“ има намера да се врати на пазарот на мобилни телефони од 2016-та година, кога тоа ќе им го дозволат склучените договори со нејзиниот партнер „Microsoft“, вели извршниот директор на финската компанија, Раџев Сури за германски „Manager Magazin“.
„Моментално бараме соодветни парнтери. „Microsoft“ произведува мобилни телефони, а ние само ќе ги дизајнираме и ќе ги направиме достапни за користење на нашиот бренд“, изјави Сури.
„Nokia“, некогашниот најголем светски производител на мобилни телефони, ја продаде оваа дејност на „Microsoft“ во 2014-та година, откако неуспеа да го следи ритамот кој го наметнаа конкурентите „Apple“ и „Samsung“.
