„Renault“ ја обелодени спортската модификација на хечбекот „Sandero“, која го има добиено додатокот „RS“. Премиерата на моделот се одржа на автосаемот во Буенос Аирес.
Renault го откри Sandero RS (фото+видео)
Машината е развиена од страна на меѓународен тим на дизајнери од Франција и Бразил, и е прилагодена на желбите на клиентите на „Renault“ од Јужна Америка. Моделот доби нова каросерија со заден дифузор, двојни цевки на издувниот систем и фелни од лесна легура со големина од 16 или 17 инчи.
Хечбекот е управуван од 2,0-литарски атмосферски мотор со моќност од 150 КС, кој работи во комбинација со 6-брзински мануелен менувач. Возилото е опремено и со специјално прилагоден систем за стабилизација со спортски режим. Промени има и во подесувањата на управувачот и суспензијата.
Од 0 до 100 км/ч „Renault Sandero RS“ забрзува за 8,5 секунди. Максималната брзина на возилото е 200 км/ч, а тој има и систем за телеметрија „RS Monitor“. Таа му овозможува на возачот да добива информации за поминатото растојание, времето на забрзување и за оптеретеноста на моторот.
Новата верзија на „Sandero“ е развиена специјално за земјите во Латинска Америка и нема да се нуди на други пазари. Првиот моделот ќе излезе во Бразил на крајот на оваа година, а во почетокот на следната ќе почне да се нуди во Аргентина и Мексико.