Шпионски фотографии на врвниот спортски модел во гамата на новата генерација „Audi Q7“ објави изданието „Worldcarfans“.
Ова е моделот „Audi SQ7“ кој ќе има премиера во септември, а неговата продажба ќе започне кон крајот на оваа година.
Од кадрите станува јасно дека возилото е речиси завршено, а ќе се одликува со различни браници и прагови, помоќни сопирачки, уникатни бандажи и издувниот систем со четири крајни цевки.
За погонот ќе биде задолжен моќен дизел „V8“ мотор со зафатнина од 4,0 или 4,2 литри, покажуваат најновите информации. Моторот ќе добие електрична турбина, која помага при работата на моторот при ниски вртежи. Предметната дополнителна турбина е производ на францускиот провајдер за автомобилската индустрија „Valeo“, од каде неодамна изјавија дека технологијата „e-turbo“ ќе ја редуцира потрошувачката на гориво помеѓу 7 и 20%.
Се очекува моторот на „Audi SQ7“ да обезбедува моќност од околу 400 КС, со што ќе се овозможи забрзување од 0 до 100 км/час за околу 4,5 секунди. Максималната брзина ќе изнесува 300 км/час.
Премиерата на „Audi SQ7“ ќе се одржи во септември во Франкфурт, а продажбата ќе стартува пред крајот на оваа година. Шпекулациите покажуваат дека цената на спортскиот кросовер ќе биде околу 80.000 евра.