Претстојните модели на „Apple“ – „iPhone 6s“ и „6s Plus“ нема да имаат драстични дизајнерски промени. Напротив, претпоставка е дека новите модели во принцип ќе го задржат постоечкиот дизајн на „iPhone 6“ уредите. Меѓутоа, „iPhone“ моделот за 2016-та година би можел да донесе значителен редизајн.
Иако се уште е рано да се говори за моделот кој би требало да го видиме есента следната година, но веќе сега се појавуваат информации дека главната дизајнерска одлика на „iPhone“ моделот за 2016-та година би требало да биде дисплејот без рамка. „Patently Display“ токму говори за ова и укажува на тоа дека „Apple“ конечно би можел да го отфрли користењето на „in-cell“ дисплеј технологијата.
Една од причините за ваквиот потег на компанијата од Купертино се бројните тесни грла, кои компанијата спречува да додава нови функции и да ја зголемува резолуцијата на своите дисплеи. Решението за ова би можело да биде „glass-on-glass“ или „on-cell glass“ технологијата.
Проблем на овие технологии, засега е тоа што имаат премногу „дебели“ дисплеи. Еден од добавувачите, компанијата „TPK“, моментално може да креира екрани со дебелина од 8.5 mm, иако веруваат дека би можеле да ја намалат дебелината и на 7.1 mm.
Меѓутоа, како што од „Apple“ посакуваат нивните телефони да ги направат уште потенки, споменатите дебелини секако не се тоа што и одговараат на американската компанија. Во секој случај, двете споменати технологии би можеле на компанијата „Apple“ да и овозможат да креира „iPhone“ со дисплеј без рамка.
Но дали ова ќе се случи, останува да се види!
