„Microsoft“ го промовира „Surface Pro 3“ како совршена замена за лаптоп, а компанијата овој уред го позиционира како ривал на „Apple MacBook“.
Меѓутоа, кога ќе се отстрани тастатурата, „Surface Pro 3“ станува многу моќен таблет со целосна верзија на софтверот „Windows 8.1“.
Според истражувањето кое го спроведе „Which?“, „Surface Pro 3“ се покажа како најбрз таблеет на светот, а брзинските тестови и постигнатите резултати се далеку пред моделите „Apple iPad Air 2“ и „Google Nexus 9“. Од „Which?“ наведуваат дека „Surface Pro 3“ зa 20 oтсто е побрз од било кој ривал моментално присутен на пазарот.
Тестовите беа извршени во „Geekbench“. Секако, не е ни чудно тоа што „Surface Pro 3“ постигнал вакви резултати, затоа што со оглед на хардверот кој се наоѓа во него тој е поблиску до лаптоп индустријата, отколку на таблетите.
Најмоќниот „Surface Pro 3“ модел доаѓа со „i7“ процесор, 8GB RAM, 512GB место за чување податоци… Нормално, ова се одразува на цената, па така најскапиот модел чини скоро 2000 долари.
Најбрзите таблети на светот:
1. Microsoft Surface Pro 3 128GB i5: 5069
2. Apple iPad Air 2: 4046
3. Google Nexus 9: 3537
4. Amazon Kindle Fire HDX 8.9 2014: 3060
5. Apple iPad Air 32GB wi-fi: 2687
6. Samsung Galaxy Tab Pro 10.1: 2650
7. Samsung Galaxy Tab S 10.5: 2594
8. Asus MEMO Pad 7 ME572C: 2351
9. Tesco Hudl 2: 2084
10. Apple iPad mini 3: 1790
