На годишната прес-конференција на Ауди беа прикажани најновите резултати од работата на последната аквизиција на германскиот бренд, компанијата Дукати.
И покрај стравувањата, купувањето на Дукати се покажа како одлична инвестиција, поради тоа што тие покажале импресивни резултати. Во однос на 2011-та година, италијанскиот производител во минатата година остварил раст на приходите за 16 проценти со рекордни испорачани 44.102 мотоцикли.
Најголем раст од близу 21 процент е остварен во САД, а извршниот директор на Дукати, Габриеле дел Торкио соопштил дека во 2012-та година компанијата заработила 606 милиони евра.
По одличните деловни резултати многумина се надеваат дека со помош на Ауди, Дукати ќе успее да направи и конкурентен мотоцикл за првенството во Мото ГП.
Останува да се види дали желбата на фановите ќе вроди со плод.
