Апликацијата која многумина не ја сакаат, а која во „Android Play“ е оценета со 3.9 oд пет и на „AppStorе“ со 2.9 oд пет (a беше претходно оценета со чиста единица), само од серверите на „Googlе“ е превземена милијарда пати!
„Facebook Messenger“ својата популарност ја должи и на одлуката на „Facebook“ да недозволи испраќање пораки преку страната, туку исклучиво преку „Messenger“, кој подоцна и во целост се одвои од друштвената мрежа.
Денес „Facebook Messenger“ можете да го користите и на „веб“, самостално, како апликација за „Android“, „iOS“, „Windows Phone“ и за други платфроми, како и мобилна верзија за телефони кои ја немаат ознаката „смарт“.
Пред „Messenger“, на средината на 2014-та година, „Google Maps“ беше превземена милијарда пати, а пред тоа уште една „Google“ апликација ја имаше таа чест, „GМail“. „Facebook Messenger“ кон крајот на август 2014-та беше превземен преку половина милијарда пати, што значи дека за една година оваа бројка е дуплирана.
Досега „WhatsApp“, „YouTube“, „Facebook“, „Google+“ и други апликации се превземени преку милијарда пати. „Instagram“ и „Skype“ имаат повеќе од половина милијарда превземања, додека „Twitter“, „Viber“, „WeChat“, „BBM Messenger“ и „Line“ имаат по 100 милиони.
Според податоците, „Facebook Messenger“ активно го користат околу 600 милиони луѓе, додека „WhatsApp“ околу 800 милиони. „Instagram“ има преку 300 милиони активни корисници.
