Смартфоните со дисплеи „Quad HD“, или резолуција од 1440 х 2560 пиксели, се повеќе вообичаени на пазарот.
Поради тоа производителите веќе погледнуваат кон следниот стандард – „Ultra HD“, или резолуција од 2160 х 3840 пиксели, која веќе е стандард кај телевизорите.
Кинескиот производител „ZTE“ очигледно ќе е првата компанија која ќе претстави смартфон со слична резолуција. Според изданието „GizmoChina“, „ZTE“ ќе го претстави моделот „Star 3“, кој ќе има екран со големина од 5,5 инчи и резолуција од 2160 x 3840 пиксели. Така екранот ќе е со заситеноста од 808 точки по инч, што ќе биде рекордна на пазарот.
Во моментов производителот на дисплеи „Sharp“ веќе располага со слични дисплеи, но не планира масовно производство до 2016-та година. Имало гласини дека кинеската компанија „BOE Technology“, која е специјализирана за производство на дисплеи, ќе е задолжена со неговото производство.
Екранот се очекува да е „TFT“ со специјална кристална структура, која ќе придонесе за намалување на потрошувачката на енергија на батеријата. Оваа структура исто така ќе делува за поголема цврстина. Многу често „TFT“-панелите се критикување за слабото претставување при промена на аголот на гледање, во споредба со „IPS“-панелите. Можно е ова да е сериозен проблем за новиот смартфон.
Многу од пазарните набљудувачи се скептични во однос на „Ultra HD“-панелите. Според нив разликата помеѓу „Ulta HD“ и „Quad HD“, стандардот е тешко забележлив кај телевизорите, а што останува за смартфоните.
Се уште не е познато кога моделот „Star 3“ ќе се појави на пазарот, како и колкава ќе биде неговата цена.