Претседателот на компанијата „MediaTek“, Чинг-Џијанг Хсиех овие денови даде некои интресни изјави за интернет страната „Fudzilla“.
Како што може да се слушне, компанијата „MediaTek“ има намера оваа година да испорача 60 милиони процесори за таблети и преку 450 милиони „SoC“ чипови за смартфони, како и уште 350 милиони за „обичните мобилни телефони“.
Минатата година „MediaTek“ испорача околу 650 милиони чипови за смартфони и обични телефони, а оваа година бројката очигледно ќе биде значително поголема.
Ова зголемување дава јасен показател дека „MediaTek“ станува исклучително голем играч на пазарот и голем конкурент на „Qualcomm“.
За следната година „MediaTek“ има во план да испорача уште повеќе процесори за смартфони, затоа што пазарот во Азија се уште е во процес на надоградување, од обични мобилни телефони на смартфони.
