За оние кои бараат поиздржлива верзија на премиум моделот на „Samsung“ – „Galaxy S6“, беше претставен моделот „Galaxy S6 Active“.
Смартфонот се одликува и со далеку помоќна батерија од 3.500 mAh во однос на батеријата со капацитет од 2.550 mAh кај стандардниот модел.
Во однос на останатите технички карактеристики, новиот паметен телефон се одликува со 5.1-инчен „Super AMOLED“ дисплеј со резолуција од 1440 х 2560 пиксели и осумјадрен 64-битен процесор „Exynos 7420“.
Задната камерата на моделот е 16-мегапикселна, додека предната има резолуција од 5 мегапиксели.
Во однос на издржливоста, смартфонот би требало да издржува пад од висина од 1 метар и дваесет сантиметри, како и до 30 минути на длабочина до метар и половина. Тој е отпорен на вода и прашина.
Се уште нема детали во однос на цената или кога овој смартфон ќе се појави на пазарот.
