Викендов се појавија интересни шпекулации кои протекоа од лица вработени во компанијата „Vodafonе“, a станува збор за претстојниот смартфон „Apple iPhone 6s“.
Изворот открива дека „iPhone 6s“ (a можно е и „iPhone 6s Plus“, иако овој модел не е споменат) ќе биде достапен за купувње од 25-ти септември. Нарачките за истиот ќе можат да се остваруваат од 18-ти септември.
Уште еден извештај, кој пристигнува од грчката интернет страна „Tech Мaniacs“, споменува дека „iPhone 6s“ ќе биде претставен на 8-ми септември, што не е во согласност со претходно споменатите датуми, затоа што компанијата често доста порано ги презентира уредите и услугите, пред да ги пуштат на пазарот.
Се очекува дека „iPhone 6s“ ќе пристигне со 4.7-инчен дисплеј со „Force Touch“ технологија. Ќе работи на процесорот „Apple A9“, а ќе има 2GB RAM. Со цел да се спречи уште еден „#bendgate“ скандал, се шпекулира дека овој модел на „Apple“ ќе користи „Series 7000“ алуминиум. На крај, се очекува подобрување во доменот на камерата, па капацитетот на сензорот ќе биде зголемен од 8MP нa 12MP.
