За еден денар поевтинува цената на дизелот, а за половина денар цената на Еуросупер БС98, одлучи денес Регулаторната комисија за енергетика.
Според новата одлука за одредување на малопродажните цени на нафтените деривати, цената на Еуросупер БС95 останува иста и по полноќ ќе се точи за 70,5 денари по литар.
За половина денар поевтинува Еуросупер БС98, кој од вторник ќе може да се купи за 72 денари по литар.
Дизелот поевтинува за еден денар и од полноќ неговата цена ќе биде 57 денари за литар.
